Bis an mat Mee 206.506 nei Persounegare goufen dëst Joer an Holland ugemellt
Dat sinn 11,5% méi wéi an der selwechter Period d'lescht Joer.
De leschte Mount hunn 36.952 nei Autoen d'Showrooms verlooss; e bescheidenen Plus vun 1,8 Prozent par rapport zum Mee 2017, awer dee beschte Mee a punkto Autosverkaf zënter 2012. Dat geet aus den offiziellen Zuele vu BOVAG, RAI Association an RDC ervir.
D'BOVAG an d'Associatioun RAI erwaarden fir dat ganzt Joer 2018 insgesamt 430.000 nei Passagéierautoen, dat wiere knapp 4 Prozent méi wéi déi 414.538 Unitéiten d'lescht Joer. Op jidde Fall ass kloer, datt den hollänneschen Autosmarché zënter den eenheetlechen Zousatzsätz vun 22 Prozent fir de privaten Asaz vu Geschäftschauffeuren (nieft de 4 Prozent fir voll elektresch Autoen) méi berouegt ass. D'Verkafslëschte ginn net méi vun enger klenger Zuel vu Modeller dominéiert, déi vun engem favorabelen Zousatz profitéieren.
Déi beschtverkaafte Marken am Mee 2018 waren:
- Volkswagen: 4.381 Unitéiten an 11,9 Prozent Maartundeel
- Renault: 3.304 (8,9 Prozent)
- Opel: 2.887 (7,8 Prozent)
- Peugeot: 2.813 (7,6 Prozent)
- KIA: 2.392 (6,5 Prozent)
Déi beschtverkaafte Modeller am Mee 2018 waren:
- Volkswagen Polo: 1.520 Unitéiten a 4,1 Prozent Maartundeel
- Ford Fiesta: 1.001 (2,7 Prozent)
- KIA Picanto: 918 (2,5 Prozent)
- Renault Clio: 844 (2,3 Prozent)
- Volkswagen UP!: 820 (2,2 Prozent)
